Y morlo llwyd yw’r morlo mwyaf cyffredin o bell ffordd o amgylch arfordir Cymru, gyda’r boblogaeth yn cynyddu o flwyddyn i flwyddyn ac yn gorchuddio bron yr arfordir cyfan o amgylch Cymru. Mae gwahaniaeth maint mawr rhwng y morlo llwyd gwrywaidd a’r fenyw. Mae’r gwryw yn tyfu i tua 2.5m tra bydd y fenyw tua 2m. Mae tymor geni morloi llwyd yng Nghymru tua mis Medi i fis Hydref lle rydym yn derbyn nifer fawr o adroddiadau am y cotiau gwyn (morloi llwyd) sydd wedi cael eu dal gan dywydd garw neu weithgaredd dynol.
